Մոտ յոթ ժամ առաջ ԱՄՆ նախկին նախագահ Դոնալդ Թրամփի՝ ապաարգելափակված Twitter-ի հաշիվն արդեն 25 միլիոն հետեւորդ է հավաքել:

Անժամկետ սառեցման պահին, որը տեղի ունեցավ 2021 թվականի հունվարի 8-ին, @realDonaldTrump էջն ուներ գրեթե 90 միլիոն հետևորդ:

Երեւանի ժամանակով 12: 10-ի դրությամբ Թրամփի բաժանորդների թիվը 25 միլիոն է:

Թրամփն ինքը դեռ ոչ մի գրառում չի կատարել, սակայն էջը տեսանելի է դարձել բոլոր նախկին հրապարակումներով, իսկ օգտատերերը հնարավորություն են ստացել բաժանորդագրվել, մեկնաբանություններ ու հավանումներ թողնել։

Հատկապես ակտիվորեն մեկնաբանում և հավանումներ են դնում վերջին գրառմանը. այն դուր է եկել Twitter-ի ավելի քան 489 հազար օգտատերերի, և դրա տակ մոտ 289 հազարը թողել են իրենց մեկնաբանությունը։

Հաշվի վերականգնման մասին որոշումը սոցցանցի սեփականատեր Իլոն Մասկը կայացրել է այն բանից հետո, երբ դրա օգտին քվեարկել է իր կազմակերպած հարցման 15 մլն մասնակիցների գրեթե 52 տոկոսը:

Twitter-ը արգելափակել էր Թրամփին 2021 թվականի հունվարի 6-ի իրադարձություններից հետո, երբ նրա կողմնակիցները հարձակվել էին Կապիտոլիումի վրա՝ փորձելով խափանել Կոնգրեսի կողմից դեմոկրատ Ջո Բայդենի՝ նախագահական ընտրություններում հաղթանակի հաստատումը: Ինքը՝ Թրամփը, ավելի վաղ հասկացրել էր, որ չի պատրաստվում վերադառնալ Twitter եւ հավատարիմ կմնա Truth Social սեփական սոցիալական ցանցին։

Աղբյուր` Փաստինֆո