Նոր Զելանդիայի պաշտպանության նախարար Պենի Հենարեն այցելել է Կիեւ, հայտնում է Reuters լրատվական գործակալությունը։
«Մենք քննարկել ենք վերջերս Նոր Զելանդիայի կողմից Մեծ Բրիտանիայում ուկրաինական ուժերին հետեւակի աջակցության առաքելության երկարաձգումը մինչեւ 2023 թվականի հուլիսը», - ասել է Հենարեն իր ուկրաինացի գործընկեր Օլեքսեյ Ռեզնիկովի հետ երկկողմ բանակցություններից հետո՝ մատնանշելով, որ Կիեւ կատարած այցն իր երկրի անսասան աջակցության ուժեղ ազդանշան է:
Անցյալ շաբաթ Նոր Զելանդիան հայտարարել էր, որ եւս 66 զինվորականներ կուղարկի Մեծ Բրիտանիա՝ ուկրաինացի զինվորներին պատրաստելու համար:
Հենարեն այցելել է նաեւ Լեհաստան, որտեղ հանդիպել է պաշտպանության նախարար Մարիուշ Բլաշչակի հետ։