3 տարեկան երեխան ընկել է 12-րդ հարկից. բժիշկները պայքարում են նրա կյանքի համար
Մոսկվայում երեք տարեկան երեխան ընկել է 12-րդ հարկից. Բարեբախտաբար նա ողջ է մնացել։ Հայտնել է SHOT տելեգրամյան ալիքը։
Ըստ SHOT-ի՝ այսօր Երևանի ժամանակով ժամը 8-ի սահմաններում երեխան Նովոչերկասկի բուլվարի բարձրահարկ շենքում բաց պատուհանից դուրս է ընկել։ Այս ընթացքում 23-ամյա մայրը զբաղված է եղել տնային գործերով։ Բնակարանում է եղել նաեւ տուժած երեխայի 4-ամյա քույրը։
Երեխան ողջ է մնացել, ծանր վիճակում շտապ հոսպիտալացվել է մանկական շտապ վիրաբուժության և վնասվածքաբանության գիտահետազոտական ինստիտուտ։ SHOT-ի հետ զրույցում վիրավոր նորածնի մայրն ասել է, որ որդին այժմ վերակենդանացման բաժանմունքում է, բժիշկները փորձում են կայունացնել նրա վիճակը։
