Մոլդովայի բարձրագույն դատական պալատը տնային կալանքից ազատ է արձակել երկրի նախկին նախագահ Իգոր Դոդոնին, որը մեղադրվում էր կոռուպցիայի մեջ, հաղորդում է «ՌԻԱ Նովոստին»։
Հոկտեմբերին սկսվել են Մոլդովայի նախկին նախագահի դեմ քրեական գործի լսումները։
Նախկին նախագահի դեմ առաջադրված մեղադրանքի համաձայն՝ նրան մեղադրում են դեմոկրատական կուսակցության նախկին առաջնորդ, օլիգարխ Վլադիմիր Պլախոտնյուկի կողմից մինչեւ 1 միլիոն դոլար կաշառք ստանալու մեջ։
«Բարձրագույն դատական պալատը որոշել է բավարարել փաստաբանների խնդրանքը եւ Իգոր Դոդոնին ազատել տնային կալանքից»,-ասվում դատարանի որոշման մեջ։
Ընդ որում, Դոդոնը կգտնվի իրավաբանական հսկողության տակ։
Դոդոնը տնային կալանքի տակ էր մայիսի վերջից։ Նախկին նախագահը հերքում է մեղադրանքները եւ նշում դրանց քաղաքական դրդապատճառները։
NEWS.am