Պարոն Սիմոնյան, Դուք հանդիսանում եք Հայաստան-Արցախ միջխորհրդարանական հանձնաժողովի նախագահ, չնայած մի քանի անգամ ընդդիմությունն առաջարկել, պահանջել է, որ նիստ տեղի ունենա, բայց այդպես էլ չի կայացել: Հիմա Դուք ի՞նչ կարող եք ասել այդ մասին, նախատեսվա՞ծ է, արդյոք, հանդիպում, եթե ոչ, ապա հնարավոր է քննարկում կազմակերպվի երկու խորհրդարանների պատգամավորների միջև։ Այս մասին այսօր Ազգային ժողովի ութերորդ գումարման հինգերորդ նստաշրջանի ընթացքում ՀՀ ԱԺ նախագահ Ալեն Սիմոնյանից հետաքրքրվեց «Հայաստան» խմբակցության քարտուղար Արծվիկ Մինասյանը։
Ալեն Սիմոնյանը պատասխանեց, որ այդ հանդիպումը նախատեսված է եղել սեպտեմբերի 19-ին, սակայն սեպտեմբերի 13-14-ի դեպքերի պատճառով այն հետաձգվել է։
Մինասյանը հետաքրքրվեց՝ գուցե փորձ արվի Արցախ մեկնելու, Ալեն Սիմոնյանն էլ պատասխանեց․ «Լաչինի միջանցքը փակ լինելու պատճառով չեմ պատկերացնում մեկնելու Ձեր առաջարկն ինչպես կարելի է իրագործել, առցանցի մասին կարող ենք քննարկել, հասկանալ»։
Մանրամասները՝ տեսանյութում