Դիետոլոգը զգուշացնում է. ով պետք է հեռու մնա տավարի լյարդից
Տավարի լյարդը, որը հայտնի է վիտամինների և հանքանյութերի մեծ պարունակությամբ, գերմթերք է ։ Ասել է սննդաբան Մարիա Շկապը, որին մեջբերել է «ՌԻԱ Նովոստի»-ն։
Այնուամենայնիվ, չնայած դրա օգտակար հատկություններին, փորձագետը խստորեն խորհուրդ է տալիս սահմանափակել այս մթերքի օգտագործումը մարդկանց որոշակի խմբերի, այդ թվում՝ ծխողների և հղիների համար՝ հնարավոր բացասական հետևանքների պատճառով:
Մարիա Շկապը բացատրել է, որ տավարի լյարդը մեծ քանակությամբ վիտամին A է պարունակում, որը մեծ չափաբաժիններով կարող է վտանգավոր լինել։ Սա հատկապես վերաբերում է ծխողներին:
«Վիտամին A-ն մեծացնում է շնչառական քաղցկեղի զարգացման հավանականությունը ծխողների մոտ, որոնց թոքերն արդեն ենթարկվում են ծխախոտի վնասակար նյութերի բացասական ազդեցությանը»,- ընդգծել է փորձագետը։
Նրա խոսքով՝ ծխելը թողնելուց միայն տասը տարի անց օրգանիզմը սկսում է ճիշտ մարսել վիտամին A-ն։
Հղի կանայք նույնպես պետք է զգույշ լինեն տավարի լյարդ օգտագործելիս։ «Մեծ քանակությամբ վիտամին A-ն կարող է բացասաբար ազդել պտղի զարգացման վրա», - նշել է Շկապը: Բացի այդ, արտադրանքը հակացուցված է մարմնում պղնձի բարձր մակարդակ ունեցող մարդկանց համար, քանի որ դա կարող է հանգեցնել այս տարրի չափից ավելի կուտակման ու թունավոր ազդեցություն առաջացնել:
