Դեռ երկուշաբթի օրը ԲԴԽ-ն պետք է հրապարակեր դատավոր Զարուհի Նախշքարյանի լիազորությունները դադարեցնելու վերաբերյալ որոշումը, բայց մինչ այս պահը այն հրապարակված ու մեզ ներկայացված չէ։ Այդ մասին այսօր հրավիրված ասուլիսի ընթացքում ասաց Նախշքարյանի պաշտպան Ռուբեն Մելիքյանը։
Նրա խոսքով՝ նոր պրակտիկա է ձևավորվում, երբ ԲԴԽ-ն ուղղակի չի հրապարակում որոշումները՝ կապված դատավորների լիազորությունները դադարեցնելու հետ։
«Այս ամենը հետաքրքիր է հատկապես այն ֆոնին, երբ նույն ԲԴԽ-ն ուշացումների համար դատավորների հետ բավականին խիստ է լինում»,- նշեց նա։
Մելիքյանի դիտարկմամբ՝ դատական իշխանության անկախությանը վերաբերող խնդիրներն օր օրի ավելի են սրվում, հիմա էլ դատավորի խոսքի ազատության նկատմամբ են քայլեր արվում։
Մանրամասները՝ տեսանյութում։