Թրամփը կառաջարկի ծախսերը 163 միլիարդ դոլարով կրճատել, կպահանջի ազգային անվտանգության համար 1.01 տրիլիոն

ԱՄՆ նախագահ Դոնալդ Թրամփը կառաջարկի հաջորդ ֆինանսական տարվա բյուջեում ծախսերը կրճատել 163 միլիարդ դոլարով, հաղորդել է «The Wall Street Journal»-ը՝ հղում անելով իր աղբյուրներին։

Առաջարկը նախատեսվում է հրապարակել ԱՄՆ-ի ժամանակով ուրբաթ օրը։

Ընդհանուր առմամբ, «հայեցողական» նպատակներով կառաջարկվի 557 միլիարդ դոլար, ինչը 22.6%-ով պակաս է 2025 թվականի սեպտեմբերի 30-ին ավարտվող ֆինանսական տարվա համար նախատեսված ծախսերից։

Թրամփը 2026 ֆինանսական տարում ազգային անվտանգության համար ռեկորդային 1.01 տրիլիոն դոլարի պահանջ կներկայացնի Կոնգրեսից հաստատմանը, գրել է «Bloomberg»-ը։

Սա 13%-ով ավելի է, քան այս տարի։

Ըստ գործակալության՝ նման ցուցանիշը «շոկ կառաջացնի» ամերիկացի օրենսդիրների շրջանում։