Շոգ ամռանը ցանկանում եք զովանալ։ Որոշ մարդիկ կարծում են, որ սառը ցնցուղ ընդունելը հիանալի գաղափար է: Այնուամենայնիվ, պաթոֆիզիոլոգ Սերգեյ Ստեպանովը «Իզվեստիայի» հետ զրույցում նշել է, որ ոչ բոլոր մարդիկ կարող են դիմել սառը լոգանքի, քանի որ այն կարող է վտանգավոր լինել։
«Դուք կարող եք լվանալ ձեզ սառը ցնցուղի տակ: Սա պրոցեդուրա է, որը ջերմաստիճանի կտրուկ փոփոխության շնորհիվ խթանում է իմունային համակարգը և տոնուսավորում ու ակտիվացնում օրգանիզմը։ Սա ամրացնող տարր է: Բայց նրանք, ովքեր դա անում են առաջին անգամ, պետք է զգույշ լինեն սառը ցնցուղ ընդունելիս, որպեսզի չսառչեն։ Հիպոթերմիան կարող է նվազեցնել իմունային համակարգի կայունությունը և հրահրել վարակիչ հիվանդություններ, ինչպես նաև հիվանդություններ, որոնք կապված են մկանների և նյարդերի բորբոքման հետ»,- բացատրել է Ստեպանովը։
Նրա խոսքով՝ նույնիսկ առողջ մարդը պետք է աստիճանաբար պատրաստվի սառը ցնցուղ ընդունելուն։
«Եթե նախկինում ամրացման պրոցեդուրաներ չեք արել, պետք չէ կտրուկ սկսել, որպեսզի այն սթրես չդառնա օրգանիզմի համար։ Սթրեսը կարող է առաջացնել հորմոնների արտազատում, անոթային սպազմ և հանգեցնել սրտանոթային համակարգի հիվանդությունների, սրտի ռեֆլեքսային կամ շնչառական կանգի: Պնդանալիս խորհուրդ է տրվում ջրի ջերմաստիճանը աստիճանաբար իջեցնել՝ ամեն օր մեկ-երկու աստիճանով»,- ընդգծել է պաթոֆիզիոլոգը։
Նա զգուշացրել է, որ խրոնիկական, հատկապես սրտանոթային, շնչառական, շարժական համակարգերի հիվանդություններ ունեցողներին խորհուրդ չի տրվում սառը ցնցուղ ընդունել ցանկացած ձևով։ «Ամրացման նման պրոցեդուրաներն օպտիմալ են երիտասարդների և մինչև 50 տարեկան մեծահասակների համար, 50 տարեկանից հետո՝ զգուշությամբ, 70 տարեկանից հետո չպետք է սառը ցնցուղ ընդունել, եթե դա նախորդ տարիներին ապրելակերպի մաս չի եղել»։
Նաև, ըստ նրա, մինչև ութ կամ ինը տարեկան երեխաները չպետք է սառը ցնցուղ ընդունեն, քանի որ այս տարիքում նրանց իմունային համակարգը դեռ լիովին ձևավորված չէ, և օրգանիզմը պատրաստ չէ նման սթրեսի։