Սիրիայի հյուսիս-արևելքում ամերիկյան Green Village և Conoco բազաների հրթիռակոծման հետևանքով 3 զինվորական է տուժել. այդ մասին հայտնում է ԱՄՆ ԶՈՒ կենտրոնական հրամանատարությունը (CENTCOM):
Հարձակումները տեղի են ունեցել Սիրիայի ժամանակով երեկոյան: Նախնական տեղեկություններով՝ «հարձակումներից առնվազն մեկի հետևում կանգնած են եղել Իրանի աջակցությունը վայելող զինյալները», որոնց մի մասը ոչնչացվել է պատասխան կրակից: Նշվում է, որ պատասխան հարվածի համար ԱՄՆ-ը երկինք է բարձրացրել ռազմական ուղղաթիռներ:
«Պատասխանը համաչափ էր ու վճռական։ ԱՄՆ-ը չի ձգտում Իրանի հետ հակամարտություն, բայց մենք կշարունակենք ձեռնարկել միջոցներ, որոնք անհրաժեշտ են մեր ժողովրդին պաշտպանելու համար», - ասվում է հայտարարության մեջ։