««Զարթոնքը» դեռ քննարկում չի ունեցել նոյեմբերի 5-ին կայանալիք հանրահավաքին մեր մասնակցության մասին։ Ես, որպես քաղաքական գործիչ, մասնակցելու եմ»,- MediaHub-ի հետ զրույցում ասաց «Զարթոնք» ազգային-քրիստոնեական կուսակցության անդամ Վահագն Չախալյանը։
Նոյեմբերի 5-ի հանրահավաքը, ինչպես նախօրեին հայտարարեց Իշխան Սաղաթելյանը, հայ ժողովրդի հանրահավաքն է, հորդորելով քաղաքական բոլոր ուժերին մասնակցել դրան՝ անկախ կուսակցական շահերից եւ պատկանելիությունից։
«Նոյեմբերի 5-ի հանրահավաքը քաղաքական և կուսակցական հանրահավաք չէ, համազգային հանրահավաք է հանուն Արցախի ու հանուն Հայաստանի»,- ասաց նա։
Վահագն Չախալյանի խոսքով՝ լավ կլիներ, որ հանրահավաքը տեղի ունենար հոկտեմբերի 31-ին՝ Արցախում կայացած հավաքին զուգահեռ, բայց ինչպես ինքն է ասում՝ «լավ է ուշ, քան երբեք»։
Լիա Սարգսյան