Նոյեմբերի 5-ին` ժամը 15։00-ին, Ֆրանսիայի հրապարակում կայանալիք հանրահավաքը ՄԻԱՍՆՈւԹՅԱՆ հանրահավաք է, որը ոչ թե որևէ անձի կամ ուժի շուրջ, այլ Հայաստանի և Արցախի պաշտպանության գաղափարի շուրջ: Այս մասին երեկ հայտարարեց ԱԺ «Հայաստան» խմբակցության պատգամավոր Իշխան Սաղաթելյանը:

Սաղաթելյանը նաև քաղաքական ուժերին կոչ արեց միանալ հանրահավաքին:

MediaHub-ը, ի թիվս այլոց, դիմեց նաև «Ապրելու երկիր» կուսակցության նախագահ Մանե Թանդիլյանին՝ պարզելու իրենք պատրաստվում են մասնակցել հանրահավաքին, թե՝ ոչ:

Պարզվեց, սակայն, քաղաքական կուսակցության նախագահը տեղյակ չէ երկրում տեղի ունեցող անցուդարձից.
«Ի՞նչ հանրահավաք է լինելու, մենք տեղեկություն չունենք, նման հարց չենք քննարկել։ Նոր եմ տեղեկանում»,-ասաց նա։

Թերևս ենթադրենք, որ նման չիմացությունը պայմանավորված է այն հանգամանքով, որ Ռուբեն Վարդանյանը, ով կանգնած է կուսակցությունը ստեղծելու ակունքներում, առաջիկա օրերին նշանակվելու Արցախի պետական նախարար:

Լիաննա Թորոսյան