XFIT ապրանքանիշի վարպետ-մարզիչ Դմիտրի Տրոշչենկովը բացահայտել է գարեջուր խմելու հետևանքով առաջացած փորից ազատվելու ուղիներ։
Lenta.ru-ին մասնագետն ասել է, որ այս խնդրի պատճառ է դառնում անհավասարակշիռ սննդակարգը, նստակյաց կենսակերպը, դանդաղ նյութափոխանակությունը և ալկոհոլային խմիչքների չափից ավելի օգտագործումը։
Որովայնի հատվածում ճարպային կուտակումների առաջացումը կանխելու համար մարզիկը խորհուրդ է տվել օրական 4-5 անգամ ուտել։ Միաժամանակ սննդակարգում պետք է գերակշռեն ֆերմենտացված կաթնամթերքը, անյուղ միսը, ձուկը, բանջարեղենի արգանակով ապուրները և ջրի մեջ եփած շիլան։ Խորհուրդ է տրվում նաև շոգեխաշել կամ թխել ջեռոցում։
Բացի այդ, մասնագետը կոչ է արել ընթրել քնելուց երկու-երեք ժամ առաջ և չդիմել ուշ երեկոյան խորտիկների։ «Ընթրիքին ավելի լավ է պատրաստել հեշտ մարսվող ուտեստներ, օրինակ՝ բանջարեղենային ռագու, ջեռոցում թխած թռչնամիս, ձուկ։
«Հավերժ հրաժարվեք յուղոտ մսից, ապխտած միսից, թթու վարունգներից, քաղցրավենիքներից և քիմիական հավելումներ, ներկանյութեր և համը ուժեղացուցիչ պարունակող մթերքներից»,- ասել է հրատարակության զրուցակիցը և հիշեցրել ֆիզիկական ակտիվության մասին՝ կենտրոնանալով առաջին հերթին քայլելու վրա։
Ըստ նրա՝ եթե մարդիկ չհետևեն այս առաջարկություններին, «գարեջրային փորը» կարող է հանգեցնել սրտի կորոնար հիվանդության, շաքարախտի, խոլեցիստիտի և սրտանոթային համակարգի հետ կապված խնդիրների: