Ամերիկացի դերասան Մեթյու Փերին մահացել է կետամինի սուր ազդեցության հետևանքով։
Մահվան պատճառը սա է նշվել Լոս Անջելեսի դատաբժշկական փորձաքննության գրասենյակի կողմից կազմված դիահերձման եզրակացության մեջ, գրել է CNN-ը։
Այս դեղը Միացյալ Նահանգներում օգտագործվում է որպես անզգայացնող, դեպրեսիայի բուժման համար:
Փաստաթղթում նշվում է, որ դերասանը ստանում էր «կետամինային ինֆուզիոն թերապիա դեպրեսիայի և անհանգստության համար»։ Բուժման վերջին սեսիան տեղի է ունեցել նրա մահվանից մեկուկես շաբաթ առաջ։
Արտիստի մահվանը նպաստող գործոնների թվում նշվել է գիտակցության կորստի պատճառով խեղդվելը։
Մեթյու Փերին մահացել է հոկտեմբերի 28-ին 54 տարեկան հասակում Լոս Անջելեսի իր տանը։ Դերասանի օգնականը նրան հայտնաբերել է ջակուզիում՝ առանց կենդանության նշանների։ Ավելի ուշ հայտնի են դարձել աստղի դիակի դիահերձման առաջին արդյունքները։