Ամերիկյան Յուտա նահանգում ուժեղ հրդեհ է բռնկվել անտառային տարածքներում՝ տարածվելով գրեթե 3000 հեկտար տարածքի վրա. հաղորդում է տեղական KUTV հեռուստաալիքը:

Աղբյուրի տվյալների համաձայն՝ կրակի առաջին օջախները հայտնաբերվել են այդ գոտում դեռևս հուլիսի 8-ին, երբ արևմտյան Յուտայի մեծ մասը գտնվում էր ռիսկի գոտում՝ ուժեղ քամիների և անոմալ շոգ եղանակի պատճառով: Հրդեհի տարածումը զսպելու իշխանությունների փորձերին խոչընդոտում է քամին և պահպանվող ցածր խոնավությունը, նշում է հեռուստաալիքը:

«Այս պահին մեր ջանքերը կենտրոնացած են մոտակա բնակելի շրջանների անվտանգության ապահովման վրա», - մեկնաբանել է Նահանգի հրշեջ ծառայությունների ներկայացուցիչը: