Արաբական Միացյալ Էմիրությունների պետական փոստային ընկերությունը՝ Emirates Post Group-ը, ներկայացրել է աշխարհի ամենաթանկ նամականիշը, հայտնում է «Ռուսական Էմիրություններ» պարբերականը:
Փոստային նամականիշը թողարկվել է ԱՄԷ-ի հիմնադրման 50-ամյակի հիշատակին: Հավաքածուն ներառում է նամականիշի չորս տեսակ:
Դրանցից ամենաթանկը «Ոսկե Ջուբիլիա 2021»-ն է։ Այն 1 գրամ ոսկի է պարունակում, արժե 550 դոլար։ «Միության ոգի» շարքը խորհրդանշում է ԱՄԷ-ի հիմնադիր հայրերին, «50-ամյակի տարին՝ 2021»-ն արտացոլում է երկրի ներկայիս վիճակը, իսկ «50-ամյակի ծրագրերը՝ 2071»-ը՝ դրա ապագան: Յուրաքանչյուր նամականիշ կարժենա 68 դոլար:
ԱՄԷ-ի հոբելյանին նվիրված փոստային նամականիշները թողարկվել են 2021 տպաքանակով։ Նամականիշը կարելի է ձեռք բերել ոչ միայն ֆիզիկական, այլեւ թվային տոկենի տեսքով։