Հնարավոր չէ Արցախից հիվանդներին սանավիացիայի միջոցով Հայաստան տեղափոխել․ Անահիտ Ավանեսյան
Եթե հնարավոր լիներ, հիվանդներին սանավիացիայի միջոցով կտեղափոխեինք․ հնարավոր չէ։ Այս մասին այսօր լրագրողների հետ զրույցում ասաց ՀՀ ԱՆ նախարար Անահիտ Ավանեսյանը՝ խոսելով Արցախում պլանային վիրահատություններ չանելու, համայնքներում դեղորայքի պակասի մասին։
«Այն գյուղական համայնքները, որտեղ կան խնդիրներ և Արցախի առողջապահական համակարգը չի կարողանում նրանց կարիքները հոգալ, մենք միասնական թիմով մարզային առողջապահական համակարգի հետ այդ բնակավայրեր հասցրել ենք, թե՛անհրաժեշտ դեղորայք, թե՛ բոլոր այն պարագաները, որոնք անհրաժեշտ են իրենց»,-ասաց նա։
Ավանեսյանի խոսքով՝ մշտապես կապի մեջ են ԱՀ ԱՆ նախարարի ժամանակավոր պաշտոնակատարի հետ։ «Մեր մասնագետները, իհարկե, աշխատում են Ստեփանակերտի հիվանդանոցի բժիշկների հետ, անում են ամեն ինչ, որպեսզի իրավիճակը վերահսկելի լինի»։
Մանրամասները՝ տեսանյութում