Ադրբեջանը շատ բան կարող է ասել, բայց փաստը մնում է փաստ, որ միջազգային հանրության դատապարտումներն ու կոչերը միանշանակ, միակողմանի և հասցեական են՝ ուղղված միայն Ադրբեջանին։ Այս մասին կառավարության անդամների ճեպազրույցի ժամանակ ասաց արտախորհրդարանական կուսակցության՝ «Լուսավոր Հայաստան»-ի ղեկավար Էդմոն Մարուքյանը։
«Փակվել է Լաչինի միջանցքը, որը Լեռնային Ղարաբաղի միակ ճանապարհն է, միակ հումանիտար ուղին է, որով սնուցվում է Լեռնային Ղարաբաղը՝ 120 հազար մարդ, որոնցից 30 հազարը երեխաներ են շրջափակման մեջ են»,-ասաց Մարուքյանը։
Կուսակցության ղեկավարի խոսքով, ՀՀ-ն այս դեպքի առաջին րոպեներից սկսած աշխատանք է տանում միջազգային գործընկերների հետ, առ այն, որ 2020 թվականի նոեմբերի 9-ի պարտավորությունները խախտվում են և այն պետք է կիրառվի, մասնավորապես՝ Ադրբեջանի պարտավորությունն է ապահովել Լաչինի միջանցքի բնականոն և անվտանգ աշխատանքը։
Լրագրողների այն հարցին, թե արդյո՞ք ադրբեջանցիներն իրավունք ունեն ստուգումներ իրականացնել Կաշենի հանքավայրում, որն Արցախում է, Մարուքյանը պատասխանեց՝ որ Ադրբեջանը չի ասում, որ իրենք որպես իշխանություն են այդ ստուգումներն անում, իրենք ասում են, որ բնապահպաներն են անում, նախկինում այցելություն է եղել Սարսանգի ջրամբար և որևէ միջադեպ չի արձանագրվել, որովհետև համագործակցել են Արցախի իշխանությունների հետ։
Ըստ Մարուքյանի՝ միջազգային հանրության կողմից միջազգային մեղանիզմի արծարծումը հնարավորություն կստեղծի խոսակցություն սկսել Բաքվի և Ստեփանակերտի միջև։
«Եթե ինչ-որ հարցեր ունեն քննարկելու Լեռնային Ղարաբաղի իշխանությունների հետ, խնդիր չկա, բայց դրա համար պետք է խոսեն Լեռնային Ղարաբաղի իշխանությունների հետ»,-ամփոփեց Մարուքյանը։
Մանրամասները՝ տեսանյութում։