Սփյուռքի հարցերով հանձնակատար Զարեհ Սինանյանն այսօր խորհրդարանում լրագրողներին ասաց, որ Հայոց ցեղասպանությունը ճանաչվել է, գործընթացն ավարտվել է։
«Ի՞նչ ցեղասպանության ճանաչման գործընթացի մասին է խոսքը. ճանաչվել է, գործընթացն էլ ավարտվել։ Երբ ասում եք՝ ամբողջ աշխարհում՝ ո՞ւմ նկատի ունեք, Չինաստանը, այո՛, չի ճանաչել, արեւմտյան երկրները, Ռուսաստանը ճանաչել են։ Մեր ցեղասպանության փաստը պետք է ուղղակիորեն կապվի մեր ժողովրդի այն հատվածի հետ, որը մնացել եւ ապրում է իր հայրենի պատմական հողի վրա, այդ ժողովրդի անվտանգության հետ։ Այսինքն, պետք է ոչ թե ասենք՝ Ցեղասպանությունը ճանաչեք, այլ՝ Ցեղասպանություն է եղել ու կարեւոր է ճանաչելը, եւ քանի որ դուք չեք ճանաչում, Ցեղասպանություն իրագործողները կարող են դա անել նաև Արեւելյան Հայաստանի հետ»,- նշեց Սինանյանը՝ շեշտելով, որ դա պետք է լինի Հայաստանի քաղաքականությունը։
Նրա խոսքով՝ օդի մեջ Ցեղասպանության ճանաչումը Հայաստանին բան չի տալիս, բացի բարոյական շոյվածությունից։
Մանրամասն՝ տեսանյութում