Ազգային ժողովում շարունակվում է պետական բյուջեի կատարողականի քննարկումը: ՀՀ ԿԳՄՍ նախարար Ժաննա Անդրեասյանը, պատասխանելով ընդդիմադիր Լիլիթ Գալստյանի՝ ԿԳՄՍ բյուջեի 97% կատարողականի մասով հարցին, նշեց․
«Ես Վանաձորում երկու քոլեջ եմ այցելել, որոնք վերակառուցվում էին պետական բյուջեի շրջանակներում։ Վերակառուցված սարսափելի մի քոլեջ՝ Վանաձորի արվեստի վերակառուցված քոլեջն էր, որի շինարարը մի քանի անգամ փոխվել է։ Այս գործով կա նաև դատական հայց։ Մի քանի տարի տևած աշխատանք է, և նայում ես ընթացքին, երևում է՝ պայմանագրեր են խզել, ուրիշ կապալառու են ներգրավել։ Մեր ընթացակարգերը վերանայման կարիք ունեն։ Մեր շինարարական ծրագրերում կա էական փոփոխության կարիք»,- հայտարարեց նախարարը:
Անդրեասյանը անդրադարձավ նաև այլ կարևոր խնդիրներին։
«Մենք ունենք ոչ միայն ընթացակարգերի, այլև մոտեցումների խնդիր, որովհետև, կարծում եմ, մեր երկրի ոչ մի քաղաքացի չպետք է վատ վերաբերվի իր գործին, որն անում է։ Առաջնային խնդիր եմ տեսնում, որ մենք դպրոցից պիտի մտցնենք այդ արժեքները՝ պատասխանատվությունը, հոգատարությունը, սրանք պիտի դարձնենք վարքականոն։ Որովհետև այս իրավիճակը խորապես դրա խնդիրն է»,- հավելեց նա:
Մանրամասները՝ տեսանյութում