Հորդանանի մայրաքաղաք Ամմանում անցկացվող հունահռոմեական ոճի ըմբշամարտի աշխարհի երիտասարդական առաջնությունում Հայաստանի ներկայացուցիչներ Սուրեն Աղաջանյանը եւ Գասպարր Տերտերյանը դուրս են եկել եզրափակիչ, Ռուբեն Գեւորգյանը կպայքարի բրոնզե մեդալի համար:

Երիտասարդների աշխարհի եւ Եվրոպայի փոխչեմպիոն Սուրեն Աղաջանյանը 60 կգ քաշայինների կիսաեզրափակիչում հաղթեց Ղրղզստանի ներկայացուցիչ Էմիրլան Դուիշենալիեւին եւ օգոստոսի 20-ին կպայքարի ոսկե մեդալի համար:

2022 թվականի աշխարհի արծաթե մեդալակիրը պայքարը սկսել է որակավորման փուլից, որտեղ 9:0 հաշվով հաղթել է Իսպանիան ներկայացնող Գորկա Գրացիա Գարիջոյին, 1/8 եզրափակիչում 6:0 հաշվով պարտության է մատնել ադրբեջանցի Իլիկ Գուրբանովին, քառորդ եզրափակիչում էլ 9:0 հաշվով առավելության է հասել Եվրոպայի գործող չեմպիոն վրացի Անրի Խոզրեվանիձեի նկատմամբ:

67 կգ քաշային Գասպար Տերտերյանը կիսաեզրափակիչում 5:2 հաշվով պարտության է մատնել ֆին Նեստորի Քեյլ Միքայել Մաննիլային:

Մ-17 աշխարհի ոսկե մեդալակիր, երիտասարդների Եվրոպայի բրոնզե մեդալակիր Գասպար Տերտերյանը պայքարը սկսել է որակավորման փուլից, որտեղ 9:0 հաշվով հաղթել է Շվեցարիայի ներկայացուցիչ Սայա Ռոբինբ Բրուներին, 1/8 եզրափակիչում 2:0 հաշվով առավելության է հասել էստոնացի Արթուր Ջեմերջեեւի նկատմամբ, իկս քառորդ եզրափակիչում 5:3 հաշվով հաղթել է լեհ Արսլանբեկ Սալիմովին:

82 կգ քաշային Ռուբեն Գեւորգյանը կիսաեզրափակիչում 0:4 հաշվով Իրանի ներկայացուցիչ Յասին Ալի Յազդիին:

Գեւորգյանը մեկնարկային գոտեմարտում 5:2 հաշվով հաղթել էր հունգարացի Միկլոս Կիրալիազին, 1/8 եզրափակիչում 11:3 հաշվով տպավորիչ հաղթանակ էր տարել բուլղարացի Անդրեյ Տոմով Աթանասովի նկատմամբ, քառորզ եզրափակիչում 6:1 հաշվով պարտության էր մատնել սերբ Բրանկո Դուկիչին:

Օգոստոսի 19-ին մրցագորգ դուրս եկած Հայաստանի վերջին ներկայացուցիչ 97 կգ քաշային Արշակ Գեղամյանը պարտվել է քառորդ եզրափակիչում: Հայաստանի ներկայացուցիչը 1:3 հաշվով զիջել է Վրաստանը ներկայացնող Գոռ Այվազյանին: Որակավորման փուլում 8:0 հաշվով հաղթել է ղրղզ Սամագան Օրմոնովին, 1/8 եզրափակիչում 7:0 հաշվով պարտության է մատնել ղազախ Նուրթազ Կիդիրբային:

Քիչ անց բրոնզե մեդալի գոտեմարտ կանցկացնի երիտասարդների աշխարհի 2022 թվականի չեմպիոն Վիգեն Նազարյանը (87 կգ), որը կմրցի ԱՄՆ ներկայացուցիչ Վյաթ Ջոն Վոյկերի հետ, փոխանցում է news.am sport-ը։