Աղից ու շաքարից ավելի վտանգավոր. բժիշկն անվանել է 2 մթերք, որոնք առավելագույն վնաս են հասցնում օրգանիզմին
Կան մթերքներ, որոնք բացարձակապես ոչ մի օգուտ չեն բերում, բայց դրանցից վնասը կարող է հանգեցնել լուրջ հետևանքների, ասել է ուռուցքաբան Մարկ Գաջյանը Telegram-ի իր ալիքում։ Խոսքը ապխտած երշիկեղենի ու չիփսի մասին է, ընդգծել է բժիշկը։ Այս մթերքները, ըստ Մարկ Գաջյանի, առաջատար են քաղցկեղածին պարունակությամբ: Ավելի լավ է դրանք ամբողջությամբ բացառել սննդակարգից։
Առողջ մնալու համար բժիշկը նաև խորհուրդ է տվել հետևել աղի և շաքարի օրական ընդունմանը և բավականաչափ հեղուկ խմել, հակառակ դեպքում կարող է զարգանալ միզաքարային հիվանդություն և արյունը խտանալ։
Մարկ Գաջյանը նաև զգուշացրել է ալկոհոլ օգտագործելու անուղղելի հետևանքների մասին, ալկոհոլային խմիչքները, ընդգծել է մասնագետը, ամենավտանգավորն են ուղեղի նեյրոնների համար։ Բժիշկը նաև խորհուրդ է տվել հետևել ֆիզիկական ակտիվությանը։ Եթե երկար նստեք մեկ տեղում, նշել է նա, կարող եք բազմաթիվ խնդիրներ առաջանալ, այդ թվում՝ արգանդի միոմա, հեմոռոյ և ադենոմա։ Այս հիվանդություններին նպաստում է նստակյաց ապրելակերպի պատճառով կոնքի մեջ արյան լճացումը։
