ԱՄՆ-ը մտադիր է ձմռան ընթացքում շարունակել Ուկրաինային զենքի մատակարարումներն ու օգնությունը։ Այս մասին հայտարարել է Պենտագոնի ղեկավար Լլոյդ Օսթինը, հայտնում է AP-ն։
Նրա խոսքով, այդ օգնությունը «կօգնի Կիեւին շարունակել ճնշումը Ռուսաստանի վրա»։ «Մենք պատրաստվում ենք պահպանել թափը ամբողջ ձմռանը, որ Ուկրաինան կարողանա շարունակել ամրապնդել ձեռքբերումները եւ իր ձեռքը վերցնի նախաձեռնությանը մարտի դաշտում»,- ասել է Օսթինը՝ ելույթ ունենալով Ուկրաինայի հարցով ՆԱՏՕ-ի եւ գործընկերների կոնտակտային խմբի յոթերորդ հանդիպումից առաջ, որն անցկացվում է անվտանգության ապահովման համար Կիեւին տրվող օգնությունը համակարգելու նպատակով։
Օսթինի խոսքով՝ հանդիպմանը քննարկվել են նաեւ ուկրաինացի զինվորականների ուսուցմանը վերաբերող հարցեր։
Մինչ օրս ԱՄՆ-ն Ուկրաինային 18,6 միլիարդ դոլարի սպառազինություն եւ տեխնիկա է տրամադրել: