Մեծ Բրիտանիայի հրաժարական ներկայացրած վարչապետ Բորիս Ջոնսոնը հայտարարել է, որ մտադիր է պաշտոնը վերջնականապես թողնելուց առաջ այցելել Ուկրաինա, հայտնում է Daily Express-ը՝ վկայակոչելով իր աղբյուրներին։
«Ջոնսոնը պատասխանատվություն է զգում, քանի որ եղել է Ուկրաինայի նախագահ Վլադիմիր Զելենսկու ամենամեծ կողմնակիցը։ Նա չի կարող պարզապես հեռանալ՝ առանց համոզվելու, որ աշխարհը կպաշտպանի Զելենսկուն։ Ջոնսոնը հույս ունի Զելենսկու հետ ևս մեկ անգամ հանդիպել՝ մինչև Բրիտանիայի վարչապետի աթոռը թողնելը»,- պարբերականին ասել է աղբյուրը։