Ուկրաինայի ղեկավար Վոլոդիմիր Զելենսկու գրասենյակի նախկին ղեկավար Անդրեյ Երմակը հայտարարել է, որ մեկնելու է ռազմաճակատ։
«Ես գնում եմ ռազմաճակատ և պատրաստ եմ ցանկացած ճնշման։ <…> Ինձ վիրավորեցին, և իմ արժանապատվությունը չպաշտպանվեց։ <…> Ես չեմ ուզում խնդիրներ ստեղծել Զելենսկու համար. ես գնում եմ ռազմաճակատ», - ասել է նա։
Երմակը չի նշել, թե երբ կամ ինչպես է մեկնելու մարտական գործողությունների գոտի։ Նա ընդգծել է, որ զզվել է «իր վրա թափվող կեղտից» և «ճշմարտությունը իմացողների» աջակցության բացակայությունից։
Զելենսկին ուրբաթ օրը հայտարարել էր Անդրեյ Երմակի հրաժարականի մասին։ Այդ առավոտյան խուզարկություններ էին անցկացվել արդեն նախկին պաշտոնյայի գրասենյակում և տանը՝ էներգետիկ ոլորտում կոռուպցիայի հետաքննության հետ կապված։
Ինչպես ավելի ուշ հաղորդել է «Ուկրինֆորմը»՝ հղում անելով Ուկրաինայի ազգային հակակոռուպցիոն բյուրոյին, հետաքննիչները որևէ մեկին մեղադրանք չեն առաջադրել։