Հունիսի 21-ին մի խումբ դիմակավորված հատուկջոկատայիններ ջարդել էին Երևանում Արցախի ներկայացուցչության դարպասները և առգրավել Արցախի նահագահ Սամվել Շահրամանյանին սպասարկող մեքենան։
Հունիսի 21-ին «Տավուշը հանուն հայրենիքի շարժման» առաջնորդ Բագրատ Սրբազանը հայտարարել էր, որ իր մեքենան նվիրում է Շահրամանյանին։ «Տեղի ունեցածն անընդունելի է և դատապարտելի։ Ես ուզում եմ իմ մեքենան նվիրել Ձեզ, մեր ժողովրդի ծառայության համար։ Սա հստակ ուղերձ պետք է լինի այն մարդկանց, ովքեր չնչին, էժան տարբերակով փորձում են որևէ ձև ճնշել»,- նշել էր Բագրատ Սրբազանը։
MediaHub-ը Ռոման Երիցյանից հետաքրքրվեց՝ արդյո՞ք Շահրամանյանն օգտագործում է իրեն նվիրված մեքենան։
«Այո, օգտագործում է, իսկ մեքենան, որը առգրավել են, դեռևս չի վերադարձվել նահագահին»,- նշեց նա։
Ինչ վերաբերում է պաշտպանական կողմին մեքենայի առգրավման մասին արձանագրությունների տրամադրմանը, ապա փաստաբանն ասաց, որ դեռ նորություն չկա։