Չորեքշաբթի օրը Հունաստանի խորհրդարանի ինստիտուտների եւ թափանցիկության հարցերով հատուկ մշտական հանձնաժողովը փակ նիստում հաստատել է դեսպան Թեմիստոկլես Դեմիրիսին Ազգային հետախուզական ծառայության նոր ղեկավարի պաշտոնում, հաղորդում է Kathimerini-ն:
Նա հաստատվել է հանձնաժողովում «Նոր ժողովրդավարություն» իշխող կուսակցության պատգամավորների ձայներով, քանի որ ընդդիմադիր կուսակցության բոլոր պատգամավորները դեմ են քվեարկել նրա նշանակմանը:
Դեմիրիսը փոխարինել է Պանայոտիս Կոնտոլեոնին, որը հրաժարական է տվել հեռախոսների գաղտնալսման սկանդալի հետ կապված։