Մոսկվայում պետական դավաճանության գործով ձերբակալվել է Գլեբ Վերդիյանը։ Տղան 21-ամյա ուսանող է՝ Աստրախանից։ Այս մասին հայտնում է «Իզվեստիան»։
Սոցցանցերում նրա էջի տեղեկությունների համաձայն՝ ավարտել է Աստրախանի շինարարական և տնտեսագիտական քոլեջը։
Նշվում է, որ Վերդիյանը Ռուսաստանի Դաշնության ամենաերիտասարդ քաղաքացիներից է, ով մեղադրվել է դավաճանության հոդվածով։
Ավելի վաղ հաղորդվել էր, որ Մոսկվայի Լեֆորտովոյի դատարանը ձերբակալել է ՌԴ քաղաքացի Վերդիյան Գ.Կ. պետական դավաճանության քրեական գործով։ Դեպքի մանրամասները չեն բացահայտվել, քանի որ այն որակվում է որպես «հույժ գաղտնի»։