«37 օր Արցախը դանդաղ ցեղասպանվում է, 37 օր Հայաստանի իշխանությունը ձեռքերը լվացել է և ինչպես ԱԺ նախագահն է ասում՝ Լաչինի միջանցքում անելիք չունեն։ Բա որ չունեիք, էդ որ գնացել էիք Աղդամ ու ամեն մեկդ Աղդամի նռները գրկած գրում էիք՝ Աղդամը մեր հայրենիքն է, բա Աղդամը ձեր հայրենիքն է, Ստեփանակերտը ձեր հայրենիքը չէ՞, Աղդամը ձեր հայրենիքն է, հանձնված Շուշին ձեր հայրենիքը չէ՞»,- այս մասին «Հայելի» ակումբում ասել է ԱԺ նախկին պատգամավոր Նաիրա Զոհրաբյանը՝ անդրադառնալով ՊՆ նախարար Սուրեն Պապիկյանի և ԱԺ նախագահ Ալեն Սիմոնյանի ֆեյսբուքյան երբեմնի գրառումներին։
Զոհրաբյանը նաև նշել է․ «Բոլոր այն մարդիկ, որոնք ունեն Հայաստանի Հանրապետության անձնագիր, նրանց հանդեպ Հայաստանի Հանրապետությունն ունի իրավական, Սահմանադրական պարտավորություն, բայց այժմ մեր 120000 քաղաքացու թողել ենք ռազմագերու կարգավիճակում պատանդ»։