Հետևում ենք զարգացումներին. ընդդիմությունը կչեղարկի՞ վաղվա հանրահավաքը

Վաղ առավոտից ՊՆ-ն հայտնում է, որ Ադրբեջանը ինտենսիվ կրակ է բացել Սոթքի և Նորաբակի հատվածում տեղակայված հայկական դիրքերի ուղղությամբ։ Իրավիճակը շարունակում է լարված մնալ, տարատեսակ լուրեր են հասնում սահմանից։

Վաղը սեպտեմբերի 2֊ին ընդդիմությունը մեծ հանրահավաք է անցկացնելու  Ազատության հրապարակում։ Արդյոք առկա իրքվիճակը կարող է փոխել ընդդիմության ծրագրերը. MediaHub-ը զրուցեց ՀՅԴ Հայաստանի ԳՄ ներկայացուցիչ Իշխան Սաղաթելյանի հետ։ 

«Մենք հետևում ենք դեպքերի զարգացմանը և այս պահին մեր ընկերների մի մասը Վարդենիսում են գտնվում։ Իսկ հանրահավաքը չեղարկելու կամ հետաձգելու որոշում չունենք։ Կհետևենք դեպքերի զարգացումներին, իհարկե, բայց այն, ինչ վաղվա համար պլանավորել ենք, ուժի մեջ է»,- նշեց Սաղաթելյանը։ 

Հաարցին իրադարձությունների զարգացման ո՞ր սցենարի դեպքում, այդուհանդերձ, կարող է չեղարկվել կամ հետաձգվել հանրահավաքը, Սաղաթելյանը  զերծ մնաց մեկնաբանելուց։

Հիշեցնենք ՝ սեպտեմբերի 2-ին #SOSArtsakh հանրահավաքի  նպատակը պաշարված Արցախին հանրային աջակցության ցուցադրությունը և կատարվողի վերաբերյալ հանրային անհամաձայնության արտահայտումն է։

Մարիա Զարգարյան