Քաղաքացիները մտահոգված են Արցախի ճակատագրով. մարդիկ կան, որ գալիս են, մեքենան կանգնեցնում, ստորագրում, հետո նորից հետ գնում, կա` գալիս են տրանսպորտով, ասում են՝ շուտ ստորագրեմ, որ նույն տրանսպորտով հետ եմ գնալու։ Սա գիտակցված ընտրություն է։ Ինչքան շատ ստորագրություն հավաքենք, այնքան միջազգային ատյաններում մեր դիրքերը կամրանան։ Այս մասին այսօր Շառլ Ազնավուրի հրապարակում լրագրողների հետ ճեպազրույցում ասաց ԱԺ «Պատիվ ունեմ» խմբակցության պատգամավոր Թագուհի Թովմասյանը՝ խոսելով հանուն Արցախի ստորագրահավաքի մասին։
Անդրադառնալով 44-օրյա պատերազմին, երբ Թագուհի Թովմասյանը իշխող ուժի թիմից էր, վերջինս նշեց, որ պատերազմի ընթացքում ականատես է եղել կազմակերպված քաոսի։
«Օրինակ, շատ լավ իմանալով, որ անօդաչուները ակտիվ գործում են, զինվորներին առանց կոորդինացնելու լցնում էին ավտոբուսներն ու ուղարկում ռազմաճակատ և նրանք դառնում էին ԱԹՍ-ների զոհ ու մոխարանում: Սա ինչ է, եթե ոչ կազմակերպված քաոս, կամ ինչ է նշանակում երեխաներին թողնել առանց փամփուշտի»,-ասաց նա։
Մանրամասները՝ տեսանյութում