Երեկ՝ մարտի 6-ին, ավտովթար է տեղի ունեցել Արարատի մարզում։ Ժամը 21։10-ի սահմաններում Արարատի մարզի բնակիչ 36-ամյա Արտյոմ Գ․-ն իր վարած «Mercedes» մակնիշի ավտոմեքենայով Երևան-Երասխ ավտոճանապարհի Դիմիտրով գյուղի վարչական տարածքում, Դիմիտրովի կամրջի հարևանությամբ, դեպի Երևան ընթանալիս, դուրս է եկել երթևեկելի գոտուց, բախվել է քարերին, ապա հողաթմբին և հայտնվել ջրահեռացման «կանալում»։ Գրել է «Շամշյանը»։
Վթարի հետևանքով վարորդը մարմնական վնասվածքներով տեղափոխվել է «Էրեբունի» բժշկական կենտրոն։
Վիրավորին առաջինը օգնության են հասել քաղաքացիներն ու օպերատիվորեն ժամանած Արտաշատի բժշկական կենտրոնի շտապօգնության բժիշկների հերթապահ խումբը։
Վթարի փաստով քննչական վարչությունում նախաձեռնվել է քրեական վարույթ։