Վլադիվոստոկում ընթացող Տնտեսական ֆորումի հարցազրուցավարը նկատել է, որ Հայաստանը վերջին շրջանում ինտենսիվացրել է կապը Ռուսաստանի հետ, ՀՀ վարչապետը պարբերաբար հանդիպում է նախագահ Պուտինի հետ և հետաքրքվել՝ Նիկոլ Փաշինյանը չի՞ կարծում, որ Հայաստանը կընկնի երկրորդական պատժամիջոցների տակ:
«Վախենալն այդքան էլ դրական դիրքորոշում չէ, որպեսզի կարողանանք կառավարել վտանգները», - պատասխանեց Փաշինյանը:
«Ռուսաստանի հետ շատ ինտենսիվ շփվում ենք, ուզում եմ ասել, որ տպավորված եմ այն օպերատիվությամբ, թե ինչպես են Վլադիմիր Վլադիմիրովիչը և Միխայիլ Վլադիմիրովիչն արձագանքում այն հարցերին և խնդրանքներին, որոնք բարձրաձայնվում էին հայկական կողմից: Եվ ոչ միայն ես: Վստահ չեմ, որ Հայաստանի բոլոր բնակիչները գիտեն այդ նրբությունների մասին, չնայած որ մենք այդ մասին անընդհատ խոսում ենք: Դա շատ կարևոր է», - ասաց ՀՀ վարչապետը: