Ռուսաստանի նախագահ Վլադիմիր Պուտինը հայտարարել է, որ մշտական կապի մեջ է Հայաստանի վարչապետ Նիկոլ Փաշինյանի հետ Լեռնային Ղարաբաղի հարցով: Պուտինն այս մասին ասել է Նիկոլ Փաշինյանի հետ հանդիպմանը․ գրում է ՏԱՍՍ-ը։
«Ուզում եմ նշել նաև ռուս խաղաղապահների առաքելությունը Լեռնային Ղարաբաղում։ Պետք է խոստովանել, որ դա հեշտ առաքելություն չէ։ Մենք բարձր ենք գնահատում ռուս խաղաղապահների գործունեությունը Լեռնային Ղարաբաղում, Լաչինի միջանցքում, դա շատ կարևոր է։ ԼՂ-ում անվտանգության ապահովման գործում կան նրբերանգներ, որոնք մենք միշտ քննարկում ենք, այսօր նույնպես օգտակար կլիներ դա քննարկել»,- ասաց նա։