Չինաստանը կտրականապես դեմ է պաշտպանական հարցերի վերաբերյալ Ճապոնիայի նոր Սպիտակ գրքին եւ խիստ կարծիքներ է ուղարկել Տոկիոյին:
«Պաշտպանության վերաբերյալ Ճապոնիայի նոր Սպիտակ գիրքը պարունակում է մեղադրանքներ եւ զրպարտություն Չինաստանի պաշտպանական քաղաքականության, շուկայական տնտեսական զարգացման եւ օրինական ծովային գործունեության դեմ»,- ամենօրյա ճեպազրույցում ասել է Չինաստանի ԱԳՆ ներկայացուցիչ Վան Վենբինը:
Նրա խոսքով՝ զեկույցը «ուռճացնում է, այսպես կոչված, չինական սպառնալիքը» եւ միջամտում Թայվանում Չինաստանի ներքին գործերին։ «Չինաստանը խիստ դժգոհություն եւ վճռական անհամաձայնություն է հայտնել դրա հետ, ինչպես նաեւ այս հարցի վերաբերյալ խիստ կարծիքներ է ուղարկել ճապոնական կողմին»,- ասել է նա:
Վենբինը նշել է, որ պաշտպանության մասին պաշտոնական փաստաթղթում հիշատակվում է Ճապոնիայի պաշտպանական բյուջեն ավելացնելու եւ հակահարվածային հնարավորությունները զարգացնելու Տոկիոյի ծրագիրը։ «Մենք ճապոնական կողմին կոչ ենք անում անհապաղ դադարեցնել հարեւանության անվտանգության սպառնալիքները ուռճացնելու եւ սեփական հզոր ռազմական զինանոցի համար արդարացումներ փնտրելու սխալ պրակտիկան»,- հավելել է դիվանագետը։