Բացառված չէ, որ նոր վարույթներ կավելանան․ Խաչատրյանը՝ գեներալներին առաջադրված մեղադրանքների մասին
Հազարից ավելի քրեական գործեր կան հարուցված, և այսօր որևէ մեկը կարիք չունի մյուսին փնովելու ու մեղադրելու այդ հարցով․ կան փաստական հանգամանքներ։ Այդ մասին այսօր խորհրդարանում MediaHub.am-ի հետ զրույցում ասաց ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանը՝ անդրադառնալով ՊԲ գեներալներ Միքայել Արզումանյանին և Ջալալ Հարությունյանին առաջադրված մեղադրանքներին։
Նրա խոսքով, սակայն, քրեական հետապնդվողն էլ իրավունք ունի պաշտպանվելու՝ օրենքով սահմանված ձևով։
«Այսօր անհնար է որևէ մեկի վրա բան բարդելը»,- կարծիք հայտնեց Խաչատրյանը։
Բացի այդ, պատգամավորը նշեց, որ բացառված չէ, որ նոր վարույթներ կավելանան։
«Միանշանակ նոր վարույթներ կծագեն»,- ասաց նա։
Հարցին, թե հնարավո՞ր է հաջորդը Օնիկ Գասպարյանը լինի, Արմեն Խաչատրյանն արձագանքեց՝ ասելով, որ կանխատեսումներ անելը սխալ մոտեցում է։
Մանրամասները՝ տեսանյութում։