Մեքենաների ներմուծման ամերիկյան շուկան կկորցնի 150 միլիարդ դոլար Թրամփի նավահանգստային մաքսատուրքի պատճառով

ԱՄՆ-ում նավերի վրա նավահանգստային հարկի սահմանումը կարող է ավտոմեքենաների ներմուծման ամերիկյան շուկային 150 միլիարդ դոլարի վնաս հասցնել, հաղորդել է «Financial Times»-ը։

Վաշինգտոնի և Պեկինի միջև նավագնացության սկանդալի մեջ հայտնված ավտոմեքենաների փոխադրողների օպերատորները ստիպված կլինեն վճարել 150 դոլար տուրք յուրաքանչյուր տրանսպորտային միջոցի համար։

Հրատարակությունը նշել է, որ ապրիլին ԱՄՆ առևտրային ներկայացուցչի կողմից Միացյալ Նահանգներում չկառուցված, բայց ամերիկյան նավահանգիստներ մուտք գործող բոլոր նավերի վրա ընդհանուր սակագնի սահմանման մասին հայտարարությունը խուճապ է առաջացրել եվրոպական, ճապոնական և հարավկորեական նավագնացության ոլորտներում։

Ավտոմեքենաների համաշխարհային ծովային առևտուրը անցյալ տարի կազմել է գրեթե 600 միլիարդ դոլար, որին մասնակցել է 836 մասնագիտացված նավ։ Համաշխարհային նավագնացության խորհրդի տվյալներով՝ նոր մաքսատուրքը մեծ նավի համար, որը կարող է տեղավորել մինչև 8000 մեքենա, կարժենա 1.2 միլիոն դոլար մեկ ուղևորության համար։

«Clarksons Research» խորհրդատվական ընկերության տվյալներով՝ նավագնացության ոլորտը 2024 թվականին կտեղափոխի ռեկորդային 29 միլիոն տրանսպորտային միջոց, որից 4.6 միլիոնը կուղարկվի Միացյալ Նահանգներ։