Դուք այսօր տեսաք, որ և՛ դատավորը, և՛ դատախազները շատ գրգռված վիճակում փորձեցին ընդհատել իմ ելույթը, իհարկե, ես այսպիսի մարտերում հին կռված մարդ եմ, ու չկարողացան ինձ ընդհատել։ Այդ մասին այսօր ՀՀԿ փոխնախագահ Արմեն Աշոտյանի գործով դատական նիստի ընդմիջման ժամանակ դատարանի բակում լրագրողների հետ զրույցում ասաց ՀԱԿ փոխնախագահ Լևոն Զուրաբյանը։
Նա նշեց, որ իր ելույթը նաև մամուլում կհրապարակի, որ ամբողջապես մարդիկ տեղեկանան, թե ինչ էր ինքը ուզում ասել։
«Տեսեք, վեց տարի անցել է։ Մենք Փաշինյանի հետ ՀԱԿ շրջանակում համատեղ բազմաթիվ ելույթներ ենք ունեցել, հավաստի տեղեկություններ հայտնել, տվել բազմաթիվ անուններ։ Այդ մարդկանցից ոչ ոքի նկատմամբ գործ չի հարուցվել, բայց կալանքի տակ է Արմեն Աշոտյանը, որ քաղաքականությամբ է զբաղվել։ Թալանչիների փոխարեն քաղաքական գործչին են կալանքի տակ պահում։ Ես էլի եմ ասում՝ քաղաքական առումով ես և Աշոտյանը անհաշտ հակառակորդներ ենք, բայց դա չի նշանակում, որ մենք թույլ կտանք վիշապ սպանողին դառնալ վիշապ»,- ասաց Զուրաբյանը։
Ըստ նրա՝ Արմեն Աշոտյանը, միանշանակ, քաղբանտարկյալ է։
Մանրամասները՝ տեսանյութում։