«Կարմիր կովը իր կաշին չի փոխում» օպերացիա․ Lexus-ը 3-րդ անգամ տեղափոխվել է հատուկ պահպանվող տարածք
![«Կարմիր կովը իր կաշին չի փոխում» օպերացիա․ Lexus-ը 3-րդ անգամ տեղափոխվել է հատուկ պահպանվող տարածք](https://mediahub.am/uploads/images/2024/06/image_750x_667ec5782256e.jpg)
SHAMSHYAN.com-ի տեղեկություններով՝ երեկ՝ հունիսի 27-ին, ՀՀ ներքին գործերի նախարարության ոստիկանության Պարեկային ծառայության Երևան քաղաքի գնդի 2-րդ գումարտակի պարեկները՝ գումարտակի հրամանատար Արսեն Ստեփանյանի գլխավորությամբ Երևանում իրականացրել են հերթական օպերացիան, որը կրել է «Կարմիր կովը իր կաշին չի փոխի» անունը:
Իսակովի պողոտայում պարեկները նկատել են «Lexus LX» մակնիշի «111 VD 11» համարանիշի ավտոմեքենան, որի առջևի և կողային ապակիները ամբողջությամբ եղել են մգացված:
Պարեկները կագնեցրել են ավտոմեքենան, ինչից հետո վարորդը ավտոմեքենայով տեղափոխվել է ՊԾ Երևան քաղաքի գնդի պահպանվող հատուկ տարածք:
Գ. Շամշյանի տեղեկություններով՝ ավտոմեքենան հաշվառված է Երևանում գործով «ՎՄԳ-էԼՖ» ՍՊԸ հաշվեկշռում, իսկ ավտոմեքենան վարել է 36-ամյա Մուշեղ Հարությունյանը:
Նշված ավտոմեքենան 3-րդ անգամ է տեղափոխվում հատուկ պահպանվող տարածք և 3 անգամ էլ ղեկին եղել է Մ. Հարությունյանը, ով տարիներ առաջ Ռուսաստանի դաշնությունում «BMW» մակնիշի ավտոմեքենայով ավտովթարի մասնակից է եղել: