Ես չգիտեմ, թե իրենք ինչ են բանակցում խաղաղության մասին, չեմ կարող 100 տոկոսով որևէ բան ասել, որովհետև, ինչպես հայտնի է, ՀՀ կառավարիչներն օրը մեջ կարծիք են փոխում և նույնիսկ այլ տեղերից հայթհայթված փաստաթղթերը կեղծ էին համարում, ասում՝ նման բան չի եղել։ Մենք երբեք չենք փորձել որևէ լուր կամ որևէ կեղծ տեղեկություն մեր հանրությանը հայտնել, որովհետև մենք չենք ուրախանում այն փաստից, որ սրանք այդքան զիջողական են և մեզ այդքան ստորացնում են։ Հակառակը՝ մենք մեզ հավասարապես ստորացված ենք համարում այսպիսի անատամ բանակցային գործընթացից։
Այս մասին այսօր լրագրողների հետ զրույցում ասաց ՀՀ երրորդ նախագահ Սերժ Սարգսյանը։
Հիշեցնենք, որ այսօր նախկին նախագահի «Բանակցային առաջնագծում» գրքի շնորհանդեսն էր։
«Դուք ամեն օր ականատես եք լինում այն տխուր իրավիճակին, որը կա ինչպես Արցախում, այնպես էլ ՀՀ-ում՝ մեր սահմանների շուրջ։ Իրենք ինչքան էլ փորձեն դա մեզ ներկայացնել որպես բանակցային հմտություն կամ բանակցային քաղաքականություն, դա իրականությանը չի համապատասխանում: Նրանք ուղղակի փորձում են Արցախը զոհաբերելու միջոցով, իրենց կարծիքով, փրկել Հայաստանը, ինչն ակնհայտ է: Եվ ոչ միայն այսօր կամ 10 տարի առաջ կամ նույնիսկ ավելի, այս տրիվիալ բանը գոնե բանակցողները պետք է հասկանան»,-ասաց նա։
Մանրամասները՝ տեսանյութում