Ովքեր չեն ընթերցելու, ուսումնասիրելու այս գիրքը, ես խորհուրդ կտամ կարդալ խորագրերը, վերնագրերը, այդքանը, իհարկե, ոչ ամբողջական, բայց ընդհանրական պատկերացում կտա բանակցային ողջ գործընթացի մասին։ Այս մասին այսօր ՀՀ երրորդ նախագահ Սերժ Սարգսյանի «Բանակցային առաջնագծում» գրքի շնորհանդեսի ժամանակ ասաց ԱԱԾ նախկին պետ Դավիթ Շահնազարյանը։
«2018 թվականից հետո իր ելույթներում նախագահ Սարգսյանը նշել է, որ պայմանավորվածություն է եղել, որ պետք է երեք փաստաթղթեր լինեն, Հայաստան-Ադրբեջան, դրանից հետո պետք է լիներ եռանախագահող երկրների հայտարարությունները, որից հետո էլ ՄԱԿ-ի ԱԽ-ի որոշումը. սա հաստատեց նաև ՌԴ-ի համանախագահողը։ Այս իրավիճակում է ներկայիս գործող իշխանությունը ստացել այս ամենը, սա է եղել ժառանգությունը»,-ասաց նա։
Շահնազարյանը հիշեցրեց, որ այն տարածքները՝ 5 շրջանները, որտեղից դուրս են եկել Արցախի ԶՈՒ-երը, դրանք պետք է լինեին ապառազմականացված։
«Մի դրվագ եմ ուզում պատմել. 44-օրյա պատերազմի ժամանակ, երբ ՀՀ գործող իշխանությունը կրկին մերժեց պատերազմը կանգնեցնելու հնարավորությունը, ես Արցախում էի, հաճախ խոսում էի երրորդ նախագահի հետ, ես մի հարց տվեցի, ասացի՝ իր կարծիքով ե՞րբ ՀՀ իշխանությունը կհամաձայնի կանգնեցնել պատերազմը, ասաց՝ վստահ եմ՝ մինչև Շուշին չհանձնի, դա չի լինելու։ ՀՀ-ն միշտ բանակցել է արժանապատվորեն, մեր թշնամիներն ատել են մեզ, բայց հավատացեք՝ հարգել են, հիմա այս աղետի մեջ, որում մենք ենք, գիտենք հեղինակներին անուն ազգանունով, բայց չգիտենք, թե երբ է այն ավարտվելու»,-ասաց նա։
Մանրամասները՝ տեսանյութում