ԱՄՆ Ազգային հետախուզության ղեկավարը խոսել է Թրամփի և Պուտինի հարաբերությունների մասին

ԱՄՆ ազգային հետախուզության տնօրեն Թուլսի Գաբբարդը հայտարարել է, որ ԱՄՆ առաջնորդ Դոնալդ Թրամփը և Ռուսաստանի նախագահ Վլադիմիր Պուտինը շատ լավ ընկերներ են, ովքեր մտադիր են ամրապնդել Վաշինգտոնի և Մոսկվայի միջև կապերը։ Այս մասին հայտնում է «Sky News»-ը։

Գաբբարդն ասել է, որ Ռուսաստանի և Միացյալ Նահանգների միջև կապերը «շատ հեռու» են ընթանում: Նա հավելել է, որ Թրամփը ձգտում է ընդլայնել հարաբերությունները՝ կենտրոնացած «խաղաղության, բարգավաճման, ազատության և անվտանգության շուրջ»։

«Մենք ունենք երկու մեծ երկրների երկու ղեկավարներ, որոնք շատ լավ ընկերներ են և շատ կենտրոնացած են այն բանի վրա, թե ինչպես կարող ենք ամրապնդել ընդհանուր նպատակները և ընդհանուր շահերը»,- ասել է ԱՄՆ հետախուզության ղեկավարը։