Գերմանիայի կանցլեր Ֆրիդրիխ Մերցը հունիսի 5-ին Սպիտակ տուն կատարած այցի ժամանակ չի կարողացել համոզել ԱՄՆ նախագահ Դոնալդ Թրամփին ճնշում գործադրել Ռուսաստանի վրա և ավելի ակտիվ դեր խաղալ Ուկրաինային աջակցելու մեջ, հաղորդել է «The New York Times»-ը։

Թերթի տվյալներով՝ Թրամփը Մերցին անձամբ «որևէ խոստում» չի տվել Կիեւին զենք մատակարարելու կամ Մոսկվայի դեմ նոր պատժամիջոցներ կիրառելու ԱՄՆ-ի կոնկրետ պարտավորությունների վերաբերյալ։

ԱՄՆ առաջնորդը դեռևս քննարկում է Ռուսաստանի վրա լրացուցիչ տնտեսական ճնշման հնարավորությունը, բայց կասկածում է, որ դա կարող է ազդել Ռուսաստանի նախագահ Վլադիմիր Պուտինի վրա, քանի որ նա «ստեղծել է իր տնտեսական համակարգը՝ պատժիչ սանկցիաներին դիմակայելու համար»։