Հարգելի խորհրդարան, արտակարգ դատարաններից, ձեր մեքենաների արագությունից թույլ տվեք ձեզ բերել իրական օրակարգ։ Այս մասին ԱԺ արտահերթ նիստի ժամանակ ասաց «Հայաստան» խմբակցության պատգամավոր Աղվան Վարդանյանը։
«Արցախը շրջափակված է, Քարվաճառը հանձնված, երկրորդ ճանապարհ չկա։ ՔՊ-ին խոստացած երրորդ՝ Կապան-Ջրակն-Ջաբրայիլ ճանապարհը կարծեմ չի կառուցվել, հիմա էլ Լաչինի միջանցքը, որ, կարծեմ, նախկիններն են բացել, ծայրահեղ սահմանային իրավիճակ է»,-ասաց Վարդանյանը։
Ըստ ընդդիմադիր պատգամավորի՝ 1990-92 թվականներից հետո շատ բան չի փոխվել. այն ժամանակ էլ Արցախը շրջափակված էր բոլոր կողմերից, Հայաստանի հետ միակ կապը ուղղաթիռն էր, բայց կար մի աննշան տարբերություն՝ այն ժամանակ Հայաստանում և Արցախում իշխանություն կար, որտեղ երկուսի նպատակը նույնն էր՝ անկախ պետականություն և Արցախ։
«Հիմա Հայաստանում ՔՊ իշխանություն է՝ առանց պետական մտածողության, առանց Արցախի՝ իշխանություն է իշխանության համար։ Այժմ միակ քաղաքականությունն է խնդրել ուրիշներին, որ մեր օգտին մի բան անեն, ինչը մուրացկանություն է, իսկ մուրացկանին չեն հարգում, այլ խղճում են»,-նշեց Վարդանյանը, հավելեով, որ ունի երկու լավ նորություն՝ Հայաստանն ու Արցախը ապաշրջափակվելու են բոլոր առումներով, ՔՊ էլ չի լինելու։
Մանրամասները՝ տեսանյութում։