ՀՀ գործադիր և օրենսդիր իշխանությունը համատեղ լայնածավալ աշխատանքներ է կատարում իր բոլոր գործընկերների հետ, որպեսզի հնարավորինս շուտ Լաչինի միջանցքի բացումը տեղի ունենա և վերականգնվի բեռների, մարդկանց և ապրանքների տեղափոխումն առանց որևէ խոչընդոտի։ Այս մասին ԱԺ արտահերթ նիստի ժամանակ ասաց Անվտանգության խորհրդի քարտուղար Արմեն Գրիգորյանը։
Ապա ներկայացրեց մանրամասներ քննարկվող հարցին՝ նշելով, որ Պետական պահպանության ծառայությունը կառանձնացվի ԱԱԾ-ից։
«Մենք արդյունավետ քննարկումներ ենք ունեցել անվտանգության և պաշտպանության մշտական հանձնաժողովում, առաջին ընթերցման ժամանակ ներկայացրել ենք, թե ինչու է կարևոր, որ այս ծառայությունն առանձնացվի ԱԱԾ-ից, դառնա առանձին մարմին վարչապետի ենթակայության տակ»,- ասաց Գրիգորյանը, հավելելով, որ պետական պահպանությունը այն կարևոր գործառույթներից մեկն է, որտեղ բարեփոխումները շատ կարևոր են։
Նշենք, որ փոփոխությունները և լրացումները կատարվում են «Հատուկ պետական պաշտպանության ենթակա անձանց անվտանգության ապահովման մասին» օրենքում։
Մանրամասները՝ տեսանյութում։