Եկեք, սկզբում շնորհավորենք բոլորիս այս Եռատոնի կապակցությամբ։ Երեք տոնն էլ մեզ համար շատ կարևոր են ու անկախ նրանից, թե այսօր ինչ վիճակում ենք՝ Շուշին օկուպացված է, Արցախի մի հատվածը օկուպացված է, ունեցել ենք ցավալի պարտություն, բայց որևէ կերպ դա չի նվաստացնում այս օրը, այս օրվա խորհուրդը: Որովհետև, այնուամենայնիվ, Շուշին ազատագրվել է 92 թվականին, այնուամենայնիվ ունեցել ենք հաղաթանակներ և մենք պարտավոր ենք դրանք միշտ հիշել։

Այս մասին այսօր լրագրողների հետ զրույցում ասաց «Հայրենիք» կուսակցության ղեկավար Արթուր Վանեցյանը։

Նշենք, որ այս պահին Արթուր Վանեցյանը Շառլ Անզնավուրի անվան հրապարակում է՝ մասնակցելու հանուն Արցախի ստորագրահավաքին։ 

«Այս իշխանությունները խոսում են 5-րդ շարասյան մասին... հասկանում եք՝  պետություն, իրավական համակարգ, պատերազմից անցել է շուրջ 3 տարի, մինչ օրս մեղավորներ են փնտրում։ Եթե մի երկրում 5-րդ շարասյուն կա, իրավապահ համակարգը ի՞նչ է անում»,-ասաց նա։

Վանեցյանի խոսքով՝ պարտության ամենամեծ մեղավորները, դավաճաններն այս իշխանություններն են, որի համար պետք է պատասխան տան։ 

Հարցին՝ եթե ընդդիմությունը փողոցային նոր պայքար սկսի, վերջինս կմիանա՞, Արթուր Վանեցյանը պատասխանեց՝ ցանկացած պայքարի, որը միտված է այս իշխանություններին հեռացնելուն, միանշանակ կմիանա։ 

Մանրամասները՝ տեսանյութում։