Հայաստանը ՀԱՊԿ-ի ոչ մի որոշում չի արգելափակել․ Վոլֆովիչ
Հայաստանը չի արգելափակել ՀԱՊԿ գագաթնաժողովի ոչ մի որոշում։ Այս մասին լրագրողներին ասել է Բելառուսի Անվտանգության խորհրդի պետքարտուղար Ալեքսանդր Վոլֆովիչը, հայտնել է ԲԵԼՏԱ-ի թղթակիցը։
«Ոչ մի որոշում չի արգելափակվել, Բելառուսի արտաքին գործերի և Հայաստանի արտաքին գործերի նախարարությունները համաձայնեցրել են բոլոր որոշումները (պետությունների ղեկավարների մասնակցությամբ գագաթնաժողովին ներկայացված փաստաթղթերը - խմբ․)։ Դա նաև խոսում է փոխըմբռնման մասին, այդ թվում՝ հայկական կողմերի հետ՝ լուծելու այն հարցերը, որոնք ներկայումս վստահված են Կազմակերպությանը»,- ասել է Ալեքսանդր Վոլֆովիչը։
Պատասխանելով ԲԵԼՏԱ-ի հարցին, թե որքան զգայուն է ՀԱՊԿ-ի համար գագաթնաժողովում հայկական կողմի բացակայությունը, նա ասել է․ «Իհարկե, ցանկալի կլիներ, որ այսօր ներկա լինեն բոլորը՝ և՛ պետությունների ղեկավարները, և՛ պատվիրակությունները։ Բայց ամենակարեւորն այն է, որ հայկական կողմը համաձայնել է բոլոր որոշումներին։ Բայց կան օբյեկտիվ և սուբյեկտիվ պատճառներ, ըստ երևույթին, թե ինչու են մեր հայ գործընկերները որոշել այսօր չժամանել Մինսկ»։
Սակայն Ալեքսանդր Վոլֆովիչը վստահություն է հայտնել, որ Հայաստանը ՀԱՊԿ-ից դուրս գալու ցանկություն չունի. «Դա սխալ է, այն առաջին հերթին ի օգուտ Հայաստանի ժողովրդի և ի շահ երկրի չի լինի»,- ընդգծել է Անվտանգության խորհրդի պետքարտուղարը։
