Միջազգային հանրությունը պետք է Լեռնային Ղարաբաղում տեղակայի ՄԱԿ-ի առաքելություն՝ մշտադիտարկում իրականացնելու համար. այդ մասին հայտարարել է ՀՀ ԱԳ նախարար Արարատ Միրզոյանը՝ ելույթ ունենալով ՄԱԿ-ի Գլխավոր ասամբլեայի նստաշրջանում:
Արարատ Միրզոյանը հիշեցրել է, որ մի քանի օր առաջ ՄԱԿ-ի Անվտանգության խորհրդի նիստում կոչ է արել կազմակերպությանը «ցուցադրել իր հեղինակությունը» և ձեռնարկել հետևյալ միջոցները՝ դատապարտել ռազմական գործողությունների վերսկսումը և հարվածները քաղաքացիական բնակավայրերին ու ենթակառուցվածքներին, պահանջել միջազգային մարդասիրական իրավունքի գծով պարտավորությունների լիարժեք կատարում, անհապաղ Լեռնային Ղարաբաղ ուղարկել ՄԱԿ-ի առաքելություն:
«Ադրբեջանը պետք է անհապաղ կատարի Լաչինի միջանցքով ազատ տեղաշարժի ապահովման իր պարտավորությունը` համաձայն Միջազգային դատարանի որոշման։ Համոզված ենք, որ պետք է գործի դրվեն համապատասխան մեխանիզմներ վերջին մարտական գործողությունների ընթացքում իրենց տարածքներից վտարված, ժամանակավոր տեղահանված անձանց վերադարձի համար: Դա պետք է արվի ՄԱԿ-ի համապատասխան հաստատությունների կողմից մոնիտորինգի և վերահսկողության սկզբունքների համաձայն»,- հայտարարել է ՀՀ ԱԳ նախարար Արարատ Միրզոյանը։
Մմիրզոյանի խոսքով՝ ՄԱԿ-ի խաղաղապահ ուժերը պետք է գործի դրվեն Լեռնային Ղարաբաղի կայունությունն ու անվտանգությունը պահպանելու համար: