ԱՄՆ պետքարտուղար Էնթոնի Բլինկենը մտահոգված է Լեռնային Ղարաբաղի էթնիկ հայ բնակիչների համար։ Այդ մասին նա հայտնել է սեպտեմբերի 23-ին Նիկոլ Փաշինյանի հետ ունեցած հեռախոսազրույցի ժամանակ։

Ինչպես հայտնում է ԱՄՆ պետդեպարտամենտի մամուլի ծառայությունը, Բլինկենը Փաշինյանի հետ խոսել է Լեռնային Ղարաբաղում Ադրբեջանի ռազմական գործողությունների մասին և վերահաստատել Միացյալ Նահանգների աջակցությունը Հայաստանի ինքնիշխանությանը, անկախությանը և տարածքային ամբողջականությանը:

Պետքարտուղարը նաև շեշտել է, որ Ադրբեջանը պետք է ապահովի իր զինված ուժերի կողմից միջազգային մարդասիրական իրավունքի նորմերի պահպանումը: