MediaHub-ին բացառիկ տեղեկություններ են հայտնի դարձել Արցախի ՊԲ նախկին հրամանատար Միքայել Արզումանյանի դեմ քրեական գործով:

Ըստ մեր աղբյուրի, այդ գործով Արցախի երկու տասնյակ զինվորականներ են հրավիրվել Քննչական կոմիտե: Եվ հենց նրանց ցուցմունքների հիման վրա է Արզումանյանին մեղադրանք առաջադրվել: Սակայն վերջիններս այդ մասին հասկացել են միայն Արզումանյանին բերման ենթարկելուց հետո: Այլ կերպ ասած՝ իրենց ցուցմունքները օգտագործվել են այլ նպատակների համար:

Մեզ հայտնի դարձավ, որ նրանց բոլորին ուղղորդել են, թե ինչպես գրեն իրենց ցուցմունքի տեքստը, որն էլ մեղադրանքի հիմք է հանդիսացել: Երբ արդեն սկսել են Արզումանյանի հետ առերեսումները, այդ բոլոր զինվորականները պահանջել են փոխել իրենց ցուցմունքները: 

Այսպիսով նախաքննական մարմինը հայտնվել է փակուղում. Արզումանյանի դեմ մեղադրանքները փլվում են, և հնարավոր է առաջիկայում բեկումնային փոփոխություններ լինեն Արցախի ՊԲ նախկին հրամանատարի գործում: